Cofnodion cryno - Y Pwyllgor Deisebau

Lleoliad:

Dyddiad: Dydd Llun, 17 Hydref 2022

Amser: 14.00 - 14.23
Gellir gwylio’r cyfarfod ar Senedd TV yn:
http://senedd.tv/cy/13006

Yn bresennol

 

<AI1>

1       Cyflwyniad, ymddiheuriadau, dirprwyon a datgan buddiannau.

Croesawodd y Cadeirydd bawb i’r cyfarfod. Cafwyd ymddiheuriadau gan Buffy Williams AS.

</AI1>

<AI2>

2       Deisebau newydd

</AI2>

<AI3>

2.1   P-06-1291 Cynnal ymchwiliad i’r pryniant corfforaethol o’r proffesiwn milfeddygol yng Nghymru

Trafododd y Pwyllgor y ddeiseb a chytunodd i roi gwybod i Bwyllgor yr Economi, Masnach a Materion Gwledig am y ddeiseb, a gofyn pa gynlluniau sydd ganddynt ar waith i edrych ar y mater fel rhan o’u blaenraglen waith, yn enwedig mewn perthynas â safonau gofal anifeiliaid.

</AI3>

<AI4>

2.2   P-06-1299 Dylai "Rhewi ar adeiladu ffyrdd" Llywodraeth Cymru gynnwys cymal ar gyfer achosion sy'n peri perygl i fywyd

Trafododd y Pwyllgor y ddeiseb a chytunodd i aros i'r ymateb i adroddiad y Panel Adolygu Ffyrdd gael ei gyhoeddi cyn penderfynu ar y camau priodol i'w cymryd ynghylch y ddeiseb.

</AI4>

<AI5>

2.3   P-06-1300 Dylid adolygu'r penderfyniad yn caniatáu i awdurdodau lleol gynyddu premiymau’r dreth gyngor ar ail gartrefi i 300 y cant,

Trafododd y Pwyllgor y ddeiseb a nododd y bu cryn dipyn o waith craffu mewn pwyllgorau ac yn y Cyfarfod Llawn ar y mater. Nawr bod y rheoliadau wedi’u cytuno, mater i awdurdodau lleol bellach yw penderfynu sut i’w defnyddio. Cytunodd y Pwyllgor i gau’r ddeiseb, i ddiolch i’r deisebydd, ac i’w annog ef a’r rhai sydd wedi llofnodi’r ddeiseb hon i estyn allan at eu cynrychiolwyr yn eu hawdurdodau lleol.

</AI5>

<AI6>

2.4   P-06-1302 Rhaid gwarchod mynyddoedd unigryw Cambria yng Nghanolbarth Cymru drwy eu dynodi yn Ardal o Harddwch Naturiol Eithriadol

Trafododd y Pwyllgor y ddeiseb a chytunodd i ysgrifennu at y Pwyllgor Busnes i ofyn am ddadl ar y ddeiseb, ac i argymell bod y ddadl yn cael ei chynnal cyn diwedd y flwyddyn i gyd-fynd â’r hanner can mlwyddiant.

</AI6>

<AI7>

3       Y wybodaeth ddiweddaraf am ddeisebau blaenorol

</AI7>

<AI8>

3.1   P-05-1106 Cyflwyno cyllidebau iechyd personol a gofal personol yng Nghymru

Trafododd y Pwyllgor y ddeiseb a nododd pa mor bwysig yw hi i sicrhau yr eir i'r afael â'r heriau presennol, sy'n cyfyngu ar lais a rheolaeth unigolion.

Croesawodd yr Aelodau’r cynnig o ddiweddariad gan y Dirprwy Weinidog a chytunwyd i gadw’r ddeiseb ar agor a’i hystyried eto pan ddaw’r diweddariad i law.

</AI8>

<AI9>

3.2   P-06-1163 Dylid ymestyn y fwrsariaeth STEMM ôl-raddedig i bob myfyriwr MSc yng Nghymru

Trafododd y Pwyllgor y ddeiseb a chytunwyd ei fod wedi mynd â’r mater cyn belled ag y gall fel pwyllgor a chytunodd i gau’r ddeiseb ac i ddiolch i’r deisebydd.

</AI9>

<AI10>

3.3   P-06-1240 Gwella gwasanaethau iechyd i bobl ag epilepsi sy'n byw yng Nghymru

Trafododd y Pwyllgor y ddeiseb a chytunodd i ysgrifennu'n ôl at Fwrdd Iechyd Prifysgol Hywel Dda yn nodi ei siom nad oes ymateb wedi dod i law a gofyn iddynt gyflwyno ymateb yn awr.

 

Croesawodd y Pwyllgor hefyd y gwaith a wnaed gan Epilepsy Action Cymru, a chytunwyd i rannu adroddiad ac argymhellion y sefydliad gyda’r Gweinidog Iechyd, a gofyn am ei hymateb i’r rhain.

</AI10>

<AI11>

3.4   P-06-1249 Darparu llwybr clinigol, gofal meddygol, ac arbenigwyr ar gyfer pobl â syndrom Tourette yng Nghymru   

Trafododd y Pwyllgor y ddeiseb a nododd y ddadl a gynhaliwyd yn gynharach eleni a'r cyhoeddiad diweddar gan y Dirprwy Weinidog Gwasanaethau Cymdeithasol i ddatblygu rhaglen wella genedlaethol newydd ar gyfer cyflyrau niwroddatblygiadol.

 

O ystyried y cyhoeddiad hwn, llongyfarchodd y Pwyllgor y deisebydd a phawb sydd wedi ymgyrchu dros wasanaethau priodol i’r rheini â syndrom Tourette yng Nghymru a chytunodd i gau’r ddeiseb.

</AI11>

<AI12>

3.5   P-06-1276 Ymestyn adran 25B o Ddeddf Lefelau Staff Nyrsio (Cymru) 2016

Trafododd y Pwyllgor y ddeiseb a nododd pa mor falch oedd y deisebwyr o ddod â’r materion i ddadl yn y Senedd ac i gryfder teimladau’r cyhoedd a gweithwyr nyrsio proffesiynol gael ei amlygu.

 

O ganlyniad i’r ddadl, cytunodd y Pwyllgor ei fod wedi mynd â’r ddeiseb cyn belled ag y gall, a dymunodd yn dda i’r Coleg Nyrsio Brenhinol â’i ymgyrchoedd yn y dyfodol, a chaeodd y ddeiseb.

</AI12>

<AI13>

4       Cynnig o dan Reol Sefydlog 17.42(ix) i benderfynu gwahardd y cyhoedd o weddill y cyfarfod.

Derbyniwyd y cynnig.

</AI13>

<AI14>

5       Blaenraglen waith

Bu’r Pwyllgor yn trafod ei flaenraglen waith.

</AI14>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>